Madridning “Real” klubi bosh murabbiyi Karlo Anchelotti “Rayo Valyekano”ga (2:3) qarshi o‘yindan so‘ng intervyu berdi.

“Ularning shunday o‘ynashini bilardik. Bugungi o‘yinda ular ko‘proq yakkakurashlarda g‘alaba qozonishdi. Bu yomon oqshom edi, hammasi shu.

Biz strategiyamizni o‘zgartirishimiz kerak edi, lekin biz buni qilmadik va jazosini to‘ladik. Biz deyarli barcha duellarda mag‘lub bo‘ldik.

Vinisius odatda foydalanadigan ikki yoki uchta vaziyatnda unumli foydalana olmadi. Bu bizning eng yaxshi o‘yinimiz emas edi.

Hakamga kelsak, menda hech qanday fikr yo‘q.

Bizga yangilik yetishmayapti, lekin ko‘p o‘yinlardan keyin bu normal holat. Endi mavsumning birinchi yarmini tahlil qilish, yaxshi tomonlarini ajratib ko‘rsatish kerak.

Biz Chempionlar ligasining pley-off bosqichidamiz va La Ligada yaxshi harakat qilyapmiz. Biz "Kadis"ga qarshi yaxshi o‘yin o‘tkazishimiz, dam olishimiz va ishga qaytishimiz kerak”, - deydi Anchelotti.