Benjamin Mendi qamoqxona uni qanday o‘zgartirgani haqida gapirdi.
Bir necha zo‘rlashda ayblanayotgan "Manchester Siti" himoyachisi dushanba kuni Chester Qirollik sudida gapirdi va ayblovlar bo‘yicha guvohlik berdi.
"Men qamoqda bo‘lganimda (Mendi 2021 yil avgustidan 2022 yil yanvarigacha hibsda edi), men ko‘p narsani anglab yetdim. Men o‘tkazgan ziyofatlar ... Ichimda og‘riq bor edi.
Butun umrim davomida nima qilayotganimni o‘ylashga vaqtim bo‘lmagan. Qamoqxonada men kun bo‘yi yolg‘iz o‘tirdim. Tabiiyki bu o‘ylash uchun imkoniyat edi”, — dedi fransiyalik futbolchi.
U qamoqxonadagi hayotida birinchi marta futboldan boshqa ish bilan shug‘ullangani va kuniga 4 funt pul ishlab topganini, bu pulni oshxonada sarflaganini aytib o‘tdi.
"Birinchi marta tejamkorlik qildim. Men buni sotib olishim kerak, lekin buni sotib olsam, uni ololmayman, deb o‘yladim. Avvalgi hayotimda men xohlagan hamma narsani sotib oldim. Shu tariqa, qamoqxona menga pulning qadrini o‘rgatdi.
Men u yerda xafa bo‘ldim, lekin shu bilan birga men hayot haqida ko‘p narsani tushundim, o‘zimning kimligimni angladim” - deya qo‘shimcha qildi Mendi.
