Бенжамин Менди қамоқхона уни қандай ўзгартиргани ҳақида гапирди.
Бир неча зўрлашда айбланаётган "Манчестер Сити" ҳимоячиси душанба куни Честер Қироллик судида гапирди ва айбловлар бўйича гувоҳлик берди.
"Мен қамоқда бўлганимда (Менди 2021 йил августидан 2022 йил январигача ҳибсда эди), мен кўп нарсани англаб етдим. Мен ўтказган зиёфатлар ... Ичимда оғриқ бор эди.
Бутун умрим давомида нима қилаётганимни ўйлашга вақтим бўлмаган. Қамоқхонада мен кун бўйи ёлғиз ўтирдим. Табиийки бу ўйлаш учун имконият эди”, — деди франциялик футболчи.
У қамоқхонадаги ҳаётида биринчи марта футболдан бошқа иш билан шуғуллангани ва кунига 4 фунт пул ишлаб топганини, бу пулни ошхонада сарфлаганини айтиб ўтди.
"Биринчи марта тежамкорлик қилдим. Мен буни сотиб олишим керак, лекин буни сотиб олсам, уни ололмайман, деб ўйладим. Аввалги ҳаётимда мен хоҳлаган ҳамма нарсани сотиб олдим. Шу тариқа, қамоқхона менга пулнинг қадрини ўргатди.
Мен у ерда хафа бўлдим, лекин шу билан бирга мен ҳаёт ҳақида кўп нарсани тушундим, ўзимнинг кимлигимни англадим” - дея қўшимча қилди Менди.
