Fransiyaning “Trua” klubi bosh murabbiy Bruno Irles iste’foga chiqqanini e’lon qildi. Qayd etilishicha, klubni vaqtinchalik uning 47 yoshli yordamchisi Klod Robin boshqarib turadi.
Fransiya chempionatining joriy mavsumining 14-turidan so‘ng “Trua” 14 ochko jamg‘arib, turnir jadvalida 13-o‘rinni egallab turibdi. Irles jamoasi so‘nggi bor 18 sentyabr kuni g‘alaba qozongan, o‘shanda “Klermon” Liga 1ning 8-turi o‘yinida mag‘lub etilgandi (3:1).
Eslatib o‘tamiz, avvalroq Irles bir qator Fransiya klublaridan tashqari Moldaviyaning “Sherif” klubini ham boshqargandi.
"Trua" navbatdagi o‘yinini 13 noyabr kuni "Brest"ga qarshi o‘tkazadi.
