“Barselona” jahon chempionati davomida La Liga peshqadami bo‘lib qoladi.
Bugun “Osasuna” ustidan qozonilgan irodali g‘alabadan so‘ng (2:1) Xavi shogirdlari 14 uchrashuvda 37 ochko jamg‘ardi. La Liga turnir jadvalida ikkinchi o‘rinda borayotgan "Real Madrid" "Kadis" ustidan g‘alaba qozongan taqdirda 35 ochkoga ega bo‘ladi.
Shu tariqa, “Barselona” La Liga turnir jadvalida peshqadamlik qilib, JCH-2022 bilan bog‘liq pauzaga chiqadi.
Ispaniya chempionatidagi tanaffus dekabr oyi oxirigacha davom etadi. La Liganing 15-turida “Barselona” “Espanyol” bilan, “Real” esa “Valyadolid” bilan bahs olib boradi.
