“Барселона” жаҳон чемпионати давомида Ла Лига пешқадами бўлиб қолади.
Бугун “Осасуна” устидан қозонилган иродали ғалабадан сўнг (2:1) Хави шогирдлари 14 учрашувда 37 очко жамғарди. Ла Лига турнир жадвалида иккинчи ўринда бораётган "Реал Мадрид" "Кадис" устидан ғалаба қозонган тақдирда 35 очкога эга бўлади.
Шу тариқа, “Барселона” Ла Лига турнир жадвалида пешқадамлик қилиб, ЖЧ-2022 билан боғлиқ паузага чиқади.
Испания чемпионатидаги танаффус декабрь ойи охиригача давом этади. Ла Лиганинг 15-турида “Барселона” “Эспаньол” билан, “Реал” эса “Вальядолид” билан баҳс олиб боради.
