"Barselona" himoyachisi Jerar Pike yaqin vaqt ichida klub prezidenti bo‘ladi, deb xabar beradi Sport.es.
Manbaga ko‘ra, futbolchi bo‘lajak saylovlar uchun jamoa shakllantirishga kirishgan.
"Barselona"dagi navbatdagi prezidentlik saylovlari 2025 yilda bo‘lib o‘tadi. Klubning hozirgi prezidenti Joan Laporta hisoblanadi.
Pike "Barselona" tarbiyalanuvchisi hisoblanadi. 5 noyabr kuni u Ispaniya chempionatining 13-turi doirasida "Almeriya"ga qarshi (2:0) jamoasi uchun so‘nggi o‘yinni o‘tkazdi. Ikki kun avval 35 yoshli ispaniyalik futbolchi faoliyatini yakunlayotganini ma’lum qilgandi.
