"Барселона" ҳимоячиси Жерар Пике яқин вақт ичида клуб президенти бўлади, деб хабар беради Sport.es.
Манбага кўра, футболчи бўлажак сайловлар учун жамоа шакллантиришга киришган.
"Барселона"даги навбатдаги президентлик сайловлари 2025 йилда бўлиб ўтади. Клубнинг ҳозирги президенти Жоан Лапорта ҳисобланади.
Пике "Барселона" тарбияланувчиси ҳисобланади. 5 ноябрь куни у Испания чемпионатининг 13-тури доирасида "Альмерия"га қарши (2:0) жамоаси учун сўнгги ўйинни ўтказди. Икки кун аввал 35 ёшли испаниялик футболчи фаолиятини якунлаётганини маълум қилганди.
