Dortmundning "Borussiya" klubi hujumchisi Yusuf Mukoko faoliyatini Angliyada davom ettirishi mumkin, deya xabar beradi Sport Bild.
Manbaga ko‘ra, 17 yoshli germaniyalik futbolchiga "Manchester Yunayted" va "Liverpul" da’vo qilmoqda. Har ikki klub ham futbolchining rivojlanishini kuzatib bormoqda. Shuningdek, Mukokoga "Barselona"dan qiziqish borligi haqida ham xabar berilgandi.
Mukoko joriy mavsumda “Borussiya” safida 21 ta o‘yinda maydonga tushib, 6 ta gol urdi va 6 ta golli uzatmani amalga oshirdi. Transfermarkt portali futbolchining narxini 30 million yevroga baholamoqda.