Дортмунднинг "Боруссия" клуби ҳужумчиси Юсуф Мукоко фаолиятини Англияда давом эттириши мумкин, дея хабар беради Sport Bild.
Манбага кўра, 17 ёшли германиялик футболчига "Манчестер Юнайтед" ва "Ливерпуль" даъво қилмоқда. Ҳар икки клуб ҳам футболчининг ривожланишини кузатиб бормоқда. Шунингдек, Мукокога "Барселона"дан қизиқиш борлиги ҳақида ҳам хабар берилганди.
Мукоко жорий мавсумда “Боруссия” сафида 21 та ўйинда майдонга тушиб, 6 та гол урди ва 6 та голли узатмани амалга оширди. Transfermarkt портали футболчининг нархини 30 миллион еврога баҳоламоқда.