Chorshanba oqshomida “Leypsig” Germaniya chempionati doirasidagi uy uchrashuvini “Frayburg”ga qarshi o‘tkazdi. Marko Roze shogirdlari raqibini 3:1 hisobida mag‘lub etishdi. Shu bilan birga, “buqalar” birinchi bo‘limda Yoshko Gvardiolni boy berishdi – xorvatiyalik himoyachi 23-daqiqada almashtirildi.
"Leypsig" matbuot xizmatining xabariga ko‘ra, tekshiruv natijasida Gvardiolning burni singanligi aniqlangan. Himoyachiga jarrohlik aralashuvi talab qilinmaydi. Uning Qatardagi jahon chempionatiga ishtiroki xavf ostida emas.
“Leypsig” ayni damda Germaniya Bundesligasi turnir jadvalida 5-o‘rinni egallab turibdi.
Jahon chempionati 20 noyabr kuni boshlanadi.
