"Yuventus" bosh murabbiyi Massimiliano Allegri hujumchi Dushan Vlahovichning jahon chempionati tanaffusiga qadar qaytishini kutmayapti.

Serbiyalik futbolchi jarohati sabab turinliklarning so‘nggi o‘yinlarini, jumladan, bugungi A Seriya doirasidagi “Verona”ga (1:0) qarshi o‘yinni o‘tkazib yubordi. Allegri o‘yindan so‘ng bergan intervyusida aytganidek, hujumchining qaytishi kechikmoqda: "Ko‘ramiz, Vlahovichning tiklanish jarayoni qanday ketyapti, ammo uning "Lasio"ga qarshi o‘yinda ishtirok etishi dargumon", - dedi "byankoneri" boshqaruvchisi.

Dushan Vlahovich "Yuventus"ning joriy mavsumda A Seriyada 6 ta gol urgan eng yaxshi to‘purari hisoblanadi.