"Ювентус" бош мураббийи Массимилиано Аллегри ҳужумчи Душан Влаҳовичнинг жаҳон чемпионати танаффусига қадар қайтишини кутмаяпти.
Сербиялик футболчи жароҳати сабаб туринликларнинг сўнгги ўйинларини, жумладан, бугунги А Серия доирасидаги “Верона”га (1:0) қарши ўйинни ўтказиб юборди. Аллегри ўйиндан сўнг берган интервюсида айтганидек, ҳужумчининг қайтиши кечикмоқда: "Кўрамиз, Влаҳовичнинг тикланиш жараёни қандай кетяпти, аммо унинг "Лацио"га қарши ўйинда иштирок этиши даргумон", - деди "бянконери" бошқарувчиси.
Душан Влаҳович "Ювентус"нинг жорий мавсумда А Серияда 6 та гол урган энг яхши тўпурари ҳисобланади.
