Qozog‘iston poytaxti Astana shahrida UEFA Assist loyihasi doirasida futbol mutaxassislari malakasini oshirishga yo‘naltirilgan UEFA STEP Senior Team Executive Programme dasturi bo‘yicha o‘quv-seminari tashkil etildi.
UEFA STEP dasturi futbol assosiasiyalari hamda professional futbol ligalarida faoliyat olib borayotgan yetakchilik xislatlariga ega mutaxassislar uchun mo‘ljallangan bo‘lib, dasturning maqsadi ularga ish faoliyatining barcha yo‘nalishlarida Yevropa futbolining eng oldi tajribasini o‘rtoqlashish va zamonaviy futbol ko‘nikmalarini singdirishdan iborat.
7-11 noyabr kunlari Astana shahri mezbonlik qilgan seminarda O‘zbekiston futbol assosiasiyasi bosh buxgalteri Surayyo Po‘latxo‘jayeva, Musobaqalar o‘tkazish bo‘limi boshlig‘i Muhammad-Sodiq Sodiq Oxunov va O‘zbekiston Professional futbol ligasi Klublarni lisenziyalash va xalqaro aloqalar bo‘limi boshlig‘i Zoxirjon Akramxonov ishtirok etdi.
Seminar davomida futbol tuzilmalari faoliyatini yo‘lga qo‘yish, strategik boshqaruv, sport tashkilotlari moliyasini yuritish, musobaqalarni o‘tkazish, futbol uchrashuvi qaydnomalarini elektronlashtirish, media, marketing va homiylar bilan ishlash kabi mavzularda UEFA akademiyasi mutaxassislari interfaol uslubda ma’ruzalar olib borishdi.