Iordaniyada boks bo‘yicha ayollar o‘rtasidagi musobaqa yakuniga yetdi. O‘zbekiston terma jamoasi unda 3ta medalni qo‘lga kiritdi: Navbahor Hamidova — oltin, Sohiba Ro‘zmetova — kumush va Farzona Fozilova — bronza.

Ushbu ko‘rsatkich bo‘yicha O‘zbekiston delegasiyasi musobaqada umumjamoa hisobida 5-o‘rinni egalladi. Qizlarimiz Dubay-2021 Osiyo chemiponatida bir oltin, 5 kumush va 2ta bronza medallariga ega chiqishgandi. Bu safar "hosil" ancha kam bo‘ldi.

Bu galgi musobaqada Hindiston medallar hisobi bo‘yicha peshqadamga aylandi. Hindlar 4 oltin, bir kumush va to‘rt bronza medallari bilan ortga qaytadigan bo‘lishdi. Qozog‘iston esa 3 oltin, bir kumush va besh bronza medallari bilan 2-o‘rinni egalladi. Dubaydagi turnirda Qozog‘iston peshqadam bo‘lgandi. Bu safar Yaponiya kuchli uchlikka kirdi.

Ayollar o‘rtasidagi Osiyo chempionati medallar hisobi:

1. Hindiston — 4-1-2
2. Qozog‘iston — 3-1-5
3. Yaponiya — 1-4-0
4. Janubiy Koreya — 1-1-4
5. O‘zbekiston — 1-1-1
6. Xitoy Taypeyi  — 1-0-2
7. Vyetnam — 1-0-1
8. Tailand — 0-2-1
9. Mongoliya — 0-1-4
10. Iordaniya — 0-1-1
11. Filippin — 0-0-2.