«Manchester Yunayted» hujumchisi Krishtianu Ronaldu 2019 yilda «PSJ» hujumchisi Lionel Messi «Oltin to‘p»ni qo‘lga kiritgach, professional faoliyatini yakunlamoqchi bo‘lgan.
Bu haqda France Football nashri sobiq jurnalisti Terri Marchanning 9 noyabr kuni sotuvga chiqqan kitobiga tayanib, L'Equipe xabar bermoqda.
Kitobda Ronaldu bilan bo‘lgan bir nechta intervyular mavjud. Ulardan biri 2019 yil oktabr oyi oxirida, Chempionlar ligasi o‘yini arafasida, 37 yoshli portugaliyalik futbolchi «Yuventus»da o‘ynagan paytda qayd etilgan.
“Muvaffaqiyatga erishganingizda, o‘zingizning konfort zonangizdan chiqmasdan, o‘z qabariqingizda qolish osonroq.
Turinga ko‘chib o‘tishga, klubni, chempionatni, futbol madaniyatini o‘zgartirishga qaror qildim. Men o‘zimni xavf ostiga qo‘ydim. Men tavakkal qildim, shuning uchun 2018 yilda «Oltin to‘p»ni qo‘lga kirita olmaganim haliyam alamli bo‘lib qolgan.
Agar Messi bu yil g‘alaba qozonsa, men futboldan ketaman», - degan edi Ronaldu 2019 yilda.
Eslatib o‘tamiz, o‘sha mavsumda Messi «Oltin to‘p»ni qo‘lga kiritgandi, ammo Ronaldu professional darajada o‘ynashda davom etdi.
