«Манчестер Юнайтед» ҳужумчиси Криштиану Роналду 2019 йилда «ПСЖ» ҳужумчиси Лионель Месси «Олтин тўп»ни қўлга киритгач, профессионал фаолиятини якунламоқчи бўлган.
Бу ҳақда France Football нашри собиқ журналисти Терри Марчаннинг 9 ноябрь куни сотувга чиққан китобига таяниб, L'Equipe хабар бермоқда.
Китобда Роналду билан бўлган бир нечта интервьюлар мавжуд. Улардан бири 2019 йил октабрь ойи охирида, Чемпионлар лигаси ўйини арафасида, 37 ёшли португалиялик футболчи «Ювентус»да ўйнаган пайтда қайд этилган.
“Муваффақиятга эришганингизда, ўзингизнинг конфорт зонангиздан чиқмасдан, ўз қабариқингизда қолиш осонроқ.
Туринга кўчиб ўтишга, клубни, чемпионатни, футбол маданиятини ўзгартиришга қарор қилдим. Мен ўзимни хавф остига қўйдим. Мен таваккал қилдим, шунинг учун 2018 йилда «Олтин тўп»ни қўлга кирита олмаганим ҳалиям аламли бўлиб қолган.
Агар Месси бу йил ғалаба қозонса, мен футболдан кетаман», - деган эди Роналду 2019 йилда.
Эслатиб ўтамиз, ўша мавсумда Месси «Олтин тўп»ни қўлга киритганди, аммо Роналду профессионал даражада ўйнашда давом этди.
