Insayder Nikolo Skiraning aytishicha, "Napoli" "Nissa"ning tayanch yarim himoyachisi Xefren Tyuram va "Udineze"ning hujumkor yarim himoyachisi Lazar Samardjichni kuzatmoqda.

Italiya klubi ushbu futbolchilarni keyingi mavsum uchun transfer qilish imkoniyatini ko‘rib chiqmoqda.

Neapollik skautlar o‘tgan oylar davomida ko‘plab o‘yinlarda futbolchilarni kuzatishdi.

Xefren Tyuram Fransiya terma jamoasining sobiq himoyachisi Lilian Tyuramning o‘g‘li va Myonxengladbaxning “Borussiya” klubi hujumchisi Markus Tyuramning ukasi hisoblanadi. 2022/23 yilgi mavsumda u fransuz klubi safida 23 ta o‘yinda 4 ta golli uzatmani amalga oshirgan.

Samardjich “Udineze” safida 16 ta o‘yinda 3 ta gol va 1 ta golli uzatmaga ega.