Инсайдер Николо Скиранинг айтишича, "Наполи" "Ницца"нинг таянч ярим ҳимоячиси Хефрен Тюрам ва "Удинезе"нинг ҳужумкор ярим ҳимоячиси Лазар Самарджични кузатмоқда.

Италия клуби ушбу футболчиларни кейинги мавсум учун трансфер қилиш имкониятини кўриб чиқмоқда.

Неаполлик скаутлар ўтган ойлар давомида кўплаб ўйинларда футболчиларни кузатишди.

Хефрен Тюрам Франция терма жамоасининг собиқ ҳимоячиси Лилиан Тюрамнинг ўғли ва Мёнхенгладбахнинг “Боруссия” клуби ҳужумчиси Маркус Тюрамнинг укаси ҳисобланади. 2022/23 йилги мавсумда у француз клуби сафида 23 та ўйинда 4 та голли узатмани амалга оширган.

Самарджич “Удинезе” сафида 16 та ўйинда 3 та гол ва 1 та голли узатмага эга.