«Nottingem Forest» yarim himoyachisi Jessi Lingard «Manchester Yunayted»dagi faoliyati davomida tushkunlikka tushgani haqida gapirdi.

Ingliz futbolchisining so‘zlariga ko‘ra, unga shu qadar og‘ir bo‘lganki, qaysidir vaqtda u yotishdan oldin spirtli ichimliklar ichishni boshlagan.

«Men uyda o‘tirib, og‘riqni yengillashtirish uchun bir necha marta ichimlik ichishni xohlayman. Uyda o‘tirib, yotishdan oldin spirtli ichimliklar ichishni boshlaganimda, vaziyat yomon ekanini angladim», - deya Lingardning so‘zlarini keltiradi The Guardian.

Eslatib o‘tamiz, Lingard o‘tgan yozda «Manchester Yunayted»dan «Nottingem Forest»ga o‘tgan edi. Yarim himoyachi yangi jamoasi tarkibida 14 ta o‘yin o‘tkazib, bitta gol urdi va bitta golli uzatmani amalga oshirdi. E’tiborlisi, Lingard «mankunianliklar» tarbiyalanuvchisi hisoblanadi.