«Ноттингем Форест» ярим ҳимоячиси Жесси Лингард «Манчестер Юнайтед»даги фаолияти давомида тушкунликка тушгани ҳақида гапирди.
Инглиз футболчисининг сўзларига кўра, унга шу қадар оғир бўлганки, қайсидир вақтда у ётишдан олдин спиртли ичимликлар ичишни бошлаган.
«Мен уйда ўтириб, оғриқни енгиллаштириш учун бир неча марта ичимлик ичишни хоҳлайман. Уйда ўтириб, ётишдан олдин спиртли ичимликлар ичишни бошлаганимда, вазият ёмон эканини англадим», - дея Лингарднинг сўзларини келтиради The Guardian.
Эслатиб ўтамиз, Лингард ўтган ёзда «Манчестер Юнайтед»дан «Ноттингем Форест»га ўтган эди. Ярим ҳимоячи янги жамоаси таркибида 14 та ўйин ўтказиб, битта гол урди ва битта голли узатмани амалга оширди. Эътиборлиси, Лингард «манкунианликлар» тарбияланувчиси ҳисобланади.
