Huquqlari "Real"ga tegishli bo‘lgan ispaniyalik himoyachi Alvaro Odriosola Italiya chempionatiga qaytishi mumkin. Bu haqda nufuzli jurnalist Nikolo Skira o‘zining Twitter sahifasida ma’lum qildi.
Futbolchi so‘nggi kunlarda Turinning "Yuventus" klubiga taklif qilingan. Odriosola yanvar oyida "Real"ni tark etishi mumkin, ammo u Italiya klubi uchun bu pozisiyada asosiy transfer maqsadi emas.
Odriosola "Real Sosyedad" tarbiyalanuvchisi bo‘lib, u yerda 2017 yilda debyut qilgan. Ispaniyalik futbolchi 2018 yilda “Real Madrid”ga kelib qo‘shilgan edi, biroq o‘shandan buyon jamoa safida bor-yo‘g‘i 43 ta o‘yinda maydonga tushib, 3 ta gol urdi va 10 ta golli uzatmani amalga oshirdi.
