Ҳуқуқлари "Реал"га тегишли бўлган испаниялик ҳимоячи Альваро Одриосола Италия чемпионатига қайтиши мумкин. Бу ҳақда нуфузли журналист Николо Скира ўзининг Twitter саҳифасида маълум қилди.
Футболчи сўнгги кунларда Туриннинг "Ювентус" клубига таклиф қилинган. Одриосола январь ойида "Реал"ни тарк этиши мумкин, аммо у Италия клуби учун бу позицияда асосий трансфер мақсади эмас.
Одриосола "Реал Сосьедад" тарбияланувчиси бўлиб, у ерда 2017 йилда дебют қилган. Испаниялик футболчи 2018 йилда “Реал Мадрид”га келиб қўшилган эди, бироқ ўшандан буён жамоа сафида бор-йўғи 43 та ўйинда майдонга тушиб, 3 та гол урди ва 10 та голли узатмани амалга оширди.
