Germaniya terma jamoasi darvozaboni Manuel Noyer o‘z jamoasining Qatarda bo‘lib o‘tadigan jahon chempionatidagi ilk uchrashuvi, unda Yaponiya bilan o‘ynashi haqida gapirdi. Uchrashuv 23 noyabr kuni soat 18:00da boshlanadi.
“Biz ehtiyot bo‘lishimiz kerak. Shaxsan men uchun turnirdagi birinchi o‘yin har doim eng muhimi bo‘lgan.
Yaponiya juda intizomli o‘ynaydigan noqulay jamoa. Shu bilan birga, ularni individual o‘yinchilarning fazilatlari tufayli oldindan aytib bo‘lmaydi.
Bundesligada bir nechta yaponiyalik futbolchilarimiz bor. Menga bunday jamoalar bilan o‘ynash qiyin.
Ispaniyaga o‘xshagan raqib bilan o‘ynashni afzal ko‘raman, chunki biz ularni bilamiz, bunday vaziyatlarda raqibga yaxshi tayyorgarlik ko‘rish mumkin.
Shunday ekan, biz uchun birinchi o‘yin qiyin bo‘ladi. Ammo shundan so‘ng biz qayerda ekanligimizni bilib olamiz", - deydi Noyer.
