Германия терма жамоаси дарвозабони Мануэль Нойер ўз жамоасининг Қатарда бўлиб ўтадиган жаҳон чемпионатидаги илк учрашуви, унда Япония билан ўйнаши ҳақида гапирди. Учрашув 23 ноябрь куни соат 18:00да бошланади.
“Биз эҳтиёт бўлишимиз керак. Шахсан мен учун турнирдаги биринчи ўйин ҳар доим энг муҳими бўлган.
Япония жуда интизомли ўйнайдиган ноқулай жамоа. Шу билан бирга, уларни индивидуал ўйинчиларнинг фазилатлари туфайли олдиндан айтиб бўлмайди.
Бундеслигада бир нечта япониялик футболчиларимиз бор. Менга бундай жамоалар билан ўйнаш қийин.
Испанияга ўхшаган рақиб билан ўйнашни афзал кўраман, чунки биз уларни биламиз, бундай вазиятларда рақибга яхши тайёргарлик кўриш мумкин.
Шундай экан, биз учун биринчи ўйин қийин бўлади. Аммо шундан сўнг биз қаерда эканлигимизни билиб оламиз", - дейди Нойер.
