"Manchester Siti" yarim himoyachisi Ilkay Gyundogan "Liverpul"ga o‘tish ehtimolini baholadi.

“O‘ylaymanki, voqealarning bunday rivojlanishini istisno qila olaman. Kloppni qanchalik sevishimni va qadrlashimni hamma biladi, lekin men ko‘p yillardan buyon "Manchester Siti"daman. Hozir men jamoa sardoriman, men "Liverpul"ga o‘tamanmi? Yo‘q, men buni tasavvur qila olmayman", - deya yarim himoyachining so‘zlarini keltiradi Kicker.

Gyundogan xizmatlariga "Bavariya", "Barselona" va "Atletiko" ham qiziqish bildirmoqda.

32 yoshli yarim himoyachi 2016 yildan buyon "shaharliklar" safida to‘p surmoqda. U joriy mavsum “Manchester Siti” safida 20 ta o‘yinda maydonga tushib, 2 ta gol urdi va 2 ta golli uzatmani amalga oshirdi.

Angliya jamoasi bilan amaldagi kelishuv 2023 yilning yoziga qadar mo‘ljallangan.