"Манчестер Сити" ярим ҳимоячиси Илкай Гюндоган "Ливерпуль"га ўтиш эҳтимолини баҳолади.
“Ўйлайманки, воқеаларнинг бундай ривожланишини истисно қила оламан. Клоппни қанчалик севишимни ва қадрлашимни ҳамма билади, лекин мен кўп йиллардан буён "Манчестер Сити"даман. Ҳозир мен жамоа сардориман, мен "Ливерпуль"га ўтаманми? Йўқ, мен буни тасаввур қила олмайман", - дея ярим ҳимоячининг сўзларини келтиради Kicker.
Гюндоган хизматларига "Бавария", "Барселона" ва "Атлетико" ҳам қизиқиш билдирмоқда.
32 ёшли ярим ҳимоячи 2016 йилдан буён "шаҳарликлар" сафида тўп сурмоқда. У жорий мавсум “Манчестер Сити” сафида 20 та ўйинда майдонга тушиб, 2 та гол урди ва 2 та голли узатмани амалга оширди.
Англия жамоаси билан амалдаги келишув 2023 йилнинг ёзига қадар мўлжалланган.
