Calciomercato xabariga ko‘ra, "Aston Villa" yarim himoyachisi Duglas Luis "Barselona" tomonidan nishonga olingan.
Kataloniya klubi yarim himoyachi Frank Kessieni inglizlar jamoasining 24 yoshli futbolchisiga almashtirishga tayyor.
Duglas Luis 2019 yildan beri “Aston Villa”da to‘p suradi. Braziliyalik futbolchi avvalroq "Manchester Siti", "Jirona" va "Vasko da Gama" klublarida harakat qilgan.
Luis joriy mavsumda “Aston Villa” safida barcha turnirlarda 16 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
Transfermarkt portaliga ko‘ra futbolchining narxi 35 million yevroni tashkil qiladi.
Avvalroq, yarim himoyachi birmingemliklar klubi bilan yangi uzoq muddatli shartnoma imzolagani haqida xabar berilgandi.
