Calciomercato хабарига кўра, "Астон Вилла" ярим ҳимоячиси Дуглас Луис "Барселона" томонидан нишонга олинган.
Каталония клуби ярим ҳимоячи Франк Кессиэни инглизлар жамоасининг 24 ёшли футболчисига алмаштиришга тайёр.
Дуглас Луис 2019 йилдан бери “Астон Вилла”да тўп суради. Бразилиялик футболчи аввалроқ "Манчестер Сити", "Жирона" ва "Васко да Гама" клубларида ҳаракат қилган.
Луис жорий мавсумда “Астон Вилла” сафида барча турнирларда 16 та ўйинда майдонга тушиб, 2 та гол урди ва 2 та голли узатмани амалга оширди.
Transfermarkt порталига кўра футболчининг нархи 35 миллион еврони ташкил қилади.
Аввалроқ, ярим ҳимоячи бирмингемликлар клуби билан янги узоқ муддатли шартнома имзолагани ҳақида хабар берилганди.
