O‘zbekiston milliy terma jamoasi 16 noyabr, chorshanba kuni Toshkentdagi «Paxtakor» stadionida Qozog‘istonga qarshi o‘rtoqlik o‘yini o‘tkazdi.

Uchrashuvning 12-daqiqasida Hojimat Erkinov o‘zbekistonliklarni oldinga olib chiqdi. "Torpedo" futbolchisining zarbasidan so‘ng to‘p tsinga tegib, so‘ngra chiziqni kesib o‘tdi.

Shundan so‘ng qo‘shnlarimiz tashabbusni o‘z qo‘llariga olishdi, ammo gol urish yana biznikilarga nasib etdi. Birinchi bo‘limning so‘nggi daqiqasida Eldor Shomurodov yarim himoyachi Shukurovdan to‘pni qabul qilish chog‘ida himoyachini chiroyli tarzda aldab o‘tdi va raqib darvozaboni bilan birga-bir vaziyatga chiqib borib, imkoniyatdan unumli foydalandi.

Ikkinchi bo‘limda ham ikki jamoa vakillarida golga tortadigan vaziyatlar bo‘ldi, biroq darvozalar boshqa ishg‘ol etilmadi.

Srechko Katanes shogirdlari noyabr yig‘ini doirasida navbatdagi o‘rtoqlik o‘yinini 20 noyabr kuni Rossiya terma jamoasiga qarshi o‘tkazadi. Mazkur bahs soat 17:00da boshlanadi.

O‘rtoqlik uchrashuvi
16 noyabr, chorshanba
O‘zbekiston — Qozog‘iston 2:0
Gollar: 1:0 – 12 Erkinov, 2:0 – 45 Shomurodov.
O‘zbekiston: O‘tkir Yusupov, Umar Eshmurodov, Husniddin Aliqulov, Rustam Ashurmatov, Dilshod Saitov (Sherzod Nasrullayev, 69), Farrux Sayfiyev, Odil Hamrobekov (Abdulla Abdullayev, 90+2), Otabek Shukurov, Aziz Turg‘unboyev (Oston O‘runov, 69), Hojimat Erkinov (Sardor Sobirxo‘jayev, 69), Eldor Shomurodov (Igor Sergeev, 84).
Qozog‘iston: Igor Shaskiy, Sergey Maliy, Nurali Alip, Aslan Darabayev (Baxtiyor Zaynutdinov, 46), Asxat Tagibergen, Elxan Astanov (Islambek Kuat, 80), Mixail Gabishev (Bagdat Kairov, 73), Abat Aymbetov (Aybar Jaksilikov, 73), Timur Dosmagambetov (Dmitriy Shomko, 73), Ramazan O‘razov (Bauirjan Islamxan, 68), Aleksandr Marochkin.