"Bavariya" himoyachisi Benjamin Pavar kelajagi haqida gapirar ekan, o‘z klubini xursand qilmadi.

Fransiya terma jamoasi futbolchisi intervyuda o‘z kuchini boshqa joyda sinab ko‘rishga umuman qarshi emasligini va faoliyatini davom ettirish uchun turli variantlarga ochiq ekanini aytdi. Bild xabariga ko‘ra, "Bavariya" 26 yoshli futbolchining so‘zlaridan xursand bo‘lmagan.

Benjamin Pavar va Myunxen giganti o‘rtasidagi mehnat shartnomasi 2024 yilning yoziga qadar tuzilgan. Fransiyalik futbolchi joriy mavsumda Yulian Nagelsmann jamoasi safida barcha turnirlarda 21 ta o‘yinda maydonga tushib, 4 marta gol urishga erishdi.