“Andijon” hamda “Xorazm” (3:1) klublari o‘rtasidagi uchrashuvdan keyin mehmonlar bosh murabbiyi Ruslan Ahmedov jamoasining mag‘lubiyati xususida fikrlarini bildirib o‘tdi.

"Birinchi navbatda “Andijon” klubi va uning muxlislarini g‘alaba bilan tabriklayman. Superliga masalasini oldindan hal qilib qo‘ygan bo‘lsa, bugun o‘z maydonidagi oxirgi uchrashuvda ham muxlislariga bayram uyushtirishga harakat qilishdi.

Biz to‘g‘ri futbol o‘ynashga harakat qilamiz. O‘yinchilarga rahmat aytdim. Bungacha yutqazgan uchrashuvlarimizda o‘yin bo‘yicha raqiblarga yutqazmadik. Vaziyatlarimiz bo‘ladi, ammo gol urolmasdik. Chiroyli o‘yin bo‘ldi. Omadga ham ko‘p narsa bog‘liq. Ikkinchi bo‘limda imkoniyatlardan foydalanganimizda Andijondan kamida durang bilan qaytgan bo‘lardik.

“Andijon”ni uslubini bilamiz va shunga qarshi harakat qilganimiz bilan baribir ular yana o‘z uslubida gollar urdi. Muvozanatni saqlay olmadik. Autdan to‘p uzatilishidan keyin darvozani ishg‘ol qilishdi. Birinchi golni ko‘rdinglar, avtogol bo‘ldi", — dedi Ruslan Ahmedov.

“Andijon” matbuot xizmati.