"Barselona" hujumchi Memfis Depay va himoyachi Ektor Belyerin bilan xayrlashishi mumkin, deb xabar beradi Mundo Deportivo.

Manbaga ko‘ra, "Barselona" Depayning maoshini tejash maqsadida uning shartnomasini bekor qilishga tayyor. Agar qiziqish bo‘lsa, kataloniyaliklar Belyerinni ham qo‘yib yuborishga tayyor. Qayd etilishicha, klub yarim himoyachi Frenki de Yong kabi bazi futbolchilar bilan xayrlashishga tayyor emas.

Ushbu o‘zgarishlar kelajakdagi transferlar uchun ish haqini kamaytirish uchun zarur.

Qayd etilishicha, qishda "Barselona" hech bo‘lmaganda qanot himoya chizig‘ini kuchaytirishni rejalashtirgan. Shuningdek, klub himoya markazini kuchaytirishdan vaqtincha voz kechdi va bu pozisiya uchun Markos Alonsoni yaxshi variant deb hisobladi.

Depayning "Barselona" bilan shartnomasi 2023 yilning yozida yakuniga etadi. Joriy mavsumda 28 yoshli hujumchi kataloniyaliklar safida 3 ta o‘yin o‘tkazib, 1 ta gol urishga erishdi. Transfermarkt ma’lumotlariga ko‘ra, hujumchining narxi 20 million yevro.

27 yoshli Belyerin 2022 yil sentyabrida ispan klubiga o‘tib, jamoa safida 5 ta o‘yin o‘tkazgan.