Angliya terma jamoasi yarim himoyachisi Jeyms Meddison JCH-2022 guruh bosqichining dastlabki turida Eronga qarshi o‘yinni o‘tkazib yuboradi, deb xabar beradi Daily Mail.
Meddison Angliya jamoasining Qatardagi so‘nggi ikki mashg‘ulotini o‘tkazib yubordi.
Yarim himoyachi tizzasidan olgan jarohatidan tiklanishda davom etmoqda.
Futbol bo‘yicha 2022 yilgi jahon chempionati 20 noyabrdan 18 dekabrga qadar bo‘lib o‘tadi. Eron Angliyaning guruhdagi birinchi raqibi bo‘ladi. Jamoalar 21 noyabr kuni Toshkent vaqti bilan soat 18.00da to‘qnash kelishadi.