Англия терма жамоаси ярим ҳимоячиси Жеймс Мэддисон ЖЧ-2022 гуруҳ босқичининг дастлабки турида Эронга қарши ўйинни ўтказиб юборади, деб хабар беради Daily Mail.
Мэддисон Англия жамоасининг Қатардаги сўнгги икки машғулотини ўтказиб юборди.
Ярим ҳимоячи тиззасидан олган жароҳатидан тикланишда давом этмоқда.
Футбол бўйича 2022 йилги жаҳон чемпионати 20 ноябрдан 18 декабрга қадар бўлиб ўтади. Эрон Англиянинг гуруҳдаги биринчи рақиби бўлади. Жамоалар 21 ноябрь куни Тошкент вақти билан соат 18.00да тўқнаш келишади.