"Rostov" va Rossiya terma jamoasi bosh murabbiyi Valeriy Karpin Italiyaning "Roma" klubi va O‘zbekiston milliy terma jamoasi hujumchisi Eldor Shomurodov bilan Toshkentdagi mehmonxonada nimalar haqida gaplashgani haqida gapirib berdi.
"Shomurodov bilan hamma narsani gaplashdik. U bilan ishlar qanday, "Rostov"dagi ishlar qanday kabi narsalar haqida gaplashdik", - deya Karpinning so‘zlaridan iqtibos keltirmoqda "Chempionat" sayti muxbiri Dmitriy Zimin.
Eslatib o‘tamiz, avvalroq Rossiya terma jamoasi Tojikiston terma jamoasi bilan o‘rtoqlik uchrashuvi o‘tkazgan edi. Jamoalarning uchrashuvi Dushanbedagi “Pomir” stadionida bo‘lib o‘tdi va 0:0 hisobida durang bilan yakunlandi. Navbatdagi o‘rtoqlik uchrashuvida Valeriy Karpin shogirdlari O‘zbekiston terma jamoasi bilan kuch sinashadi. Uchrashuv ertaga, 20 noyabr kuni Toshkentdagi “Paxtakor” stadionida bo‘lib o‘tadi. O‘yin Toshkent vaqti bilan soat 17:00da boshlanadi.