"Ростов" ва Россия терма жамоаси бош мураббийи Валерий Карпин Италиянинг "Рома" клуби ва Ўзбекистон миллий терма жамоаси ҳужумчиси Элдор Шомуродов билан Тошкентдаги меҳмонхонада нималар ҳақида гаплашгани ҳақида гапириб берди.
"Шомуродов билан ҳамма нарсани гаплашдик. У билан ишлар қандай, "Ростов"даги ишлар қандай каби нарсалар ҳақида гаплашдик", - дея Карпиннинг сўзларидан иқтибос келтирмоқда "Чемпионат" сайти мухбири Дмитрий Зимин.
Эслатиб ўтамиз, аввалроқ Россия терма жамоаси Тожикистон терма жамоаси билан ўртоқлик учрашуви ўтказган эди. Жамоаларнинг учрашуви Душанбедаги “Помир” стадионида бўлиб ўтди ва 0:0 ҳисобида дуранг билан якунланди. Навбатдаги ўртоқлик учрашувида Валерий Карпин шогирдлари Ўзбекистон терма жамоаси билан куч синашади. Учрашув эртага, 20 ноябрь куни Тошкентдаги “Пахтакор” стадионида бўлиб ўтади. Ўйин Тошкент вақти билан соат 17:00да бошланади.