Kasallik tufayli Nigeriya bilan o‘rtoqlik uchrashuvini o‘tkazib yuborgan Portugaliya terma jamoasi hujumchisi Krishtianu Ronaldu milliy terma jamoaning Qatardagi ilk mashg‘ulotida ishtirok etdi. Bu haqda Globo nashri xabar bermoqda.
Portugaliya JCHda Urugvay, Gana va Janubiy Koreya bilan H guruhida o‘ynaydi. Portugaliyaliklar uchun turnirdagi ilk uchrashuv 21 noyabr, payshanba kuni Gana bilan bo‘lib o‘tadi.
37 yoshli Ronaldu 2003 yilning avgustida Portugaliya terma jamoasi safida debyut qilgan. Krishtianu terma jamoa safida 191 ta o‘yinda maydonga tushib, 117 ta gol urdi va 43 ta golli uzatmani amalga oshirdi.
