"Manchester Siti" va Portugaliya terma jamoasi yarim himoyachisi Bernardu Silva JCH-2022 o‘yinlarida istalgan pozisiyada o‘ynashga tayyorligini aytdi.
"Odamlar maydon markazida o‘ynaganimda o‘zimni yaxshiroq his qilayotganimni bilishadi, ammo men murabbiy kerakli deb bilgan joyda o‘ynashga tayyorman.
Jismoniy jihatdan o‘zimni mavsum oxiriga qaraganda yaxshiroq his qilyapman va jamoaga yordam berishga tayyorman. Ko‘pchilik xuddi shunday fikrda, chunki noyabr oyida muhim turnirda o‘ynash 60 o‘yinli mavsumdan keyin iyuldagidan butunlay boshqacha. Biz o‘zgacha va oldindan aytib bo‘lmaydigan musobaqaga kelganimizni bilib, juda ambisiyalimiz, o‘zimizga juda ishonamiz. Biz g‘alaba qozonishga tayyormiz", - dedi Bernardu Silva.
Futbol bo‘yicha 2022 yilgi jahon chempionati 20 noyabrdan 18 dekabrga qadar Qatarda bo‘lib o‘tadi. Portugaliya terma jamoasi Urugvay, Gana va Janubiy Koreya termalari bilan bir guruhdan joy olgan.
