"Манчестер Сити" ва Португалия терма жамоаси ярим ҳимоячиси Бернарду Силва ЖЧ-2022 ўйинларида исталган позицияда ўйнашга тайёрлигини айтди.
"Одамлар майдон марказида ўйнаганимда ўзимни яхшироқ ҳис қилаётганимни билишади, аммо мен мураббий керакли деб билган жойда ўйнашга тайёрман.
Жисмоний жиҳатдан ўзимни мавсум охирига қараганда яхшироқ ҳис қиляпман ва жамоага ёрдам беришга тайёрман. Кўпчилик худди шундай фикрда, чунки ноябрь ойида муҳим турнирда ўйнаш 60 ўйинли мавсумдан кейин июлдагидан бутунлай бошқача. Биз ўзгача ва олдиндан айтиб бўлмайдиган мусобақага келганимизни билиб, жуда амбициялимиз, ўзимизга жуда ишонамиз. Биз ғалаба қозонишга тайёрмиз", - деди Бернарду Силва.
Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Португалия терма жамоаси Уругвай, Гана ва Жанубий Корея термалари билан бир гуруҳдан жой олган.
