Rossiyalik mutaxassis Aleksandr Mostovoy bugun bo‘lib o‘tadigan O‘zbekiston va Rossiya terma jamoalari o‘rtasidagi o‘yinda jamoalarning imkoniyatlariga baho berdi.

«O‘zbekiston terma jamoasi o‘z mintaqasida yomon o‘yin ko‘rsatmayapti. Bu jamoa OSiyo kubogi saralash bosqichida 3ta o‘yinning barchasida g‘alaba qozondi. Jamoa hujumda kombinasion o‘yin namoyish etadi, yetarlicha gollar uradi va himoyada juda yaxshi harakat qilgan holda juda kam gol o‘tkazib yuboradi. Ammo futbolchilarning aksariyati O‘zbekiston chempionatida o‘ynaydi, ularda xalqaro miqyosda kuchli jamoalarga qarshi o‘yin amaliyoti kam. Bu holat o‘yin taqdiriga ta’sir ko‘rsatishi mumkin.

Rossiya terma jamoasi esa aynan tajriba borasida raqibiga nisbatan ustun. RPLda o‘ynaydigan futbolchilar ham jiddiy raqobat muhitiga ko‘nikkan. Ha, rossiyalik kamtar Tojikistonni mag‘lub eta olishmadi, biroq jamoa golga tortadigan vaziyatlarni yetarlicha yuzaga keltirdi. Bu galgi uchrashuv esa, nazarimda, qiziqarli kechadi.

Bu o‘rtoqlik o‘yini, ammo jamoalar o‘rtasidagi debyut to‘qnashuv. Shuning uchun futbolchilar to‘la kuch bilan harakat qilishsa kerak. Mehmonlar saviya, tajriba va individual mahorat borasida raqibidan ustun. O‘zbekiston Osiyo miqyosida yaxshi, ammo jiddiy raqiblarga qarshi o‘yinlarda qiynalib qoladi. Shuning uchun Rossiya mazkur bahsda g‘alaba qozonsa kerak», — dedi Aleksandr Mostovoy.

Eslatib o‘tamiz, O‘zbekiston va Rossiya terma jamoalari o‘rtasidagi bahs bugun — 20 noyabr soat 17:00da boshlanadi.