"PSJ" "Arsenal" himoyachisi Vilyam Salibaga qiziqish bildirmoqda, deb xabar beradi Sport.fr.
Manbaning xabariga ko‘ra, 21 yoshli fransuz Parij klubiga o‘tishga qarshi emas. Avvalroq, "kanonirlar" futbolchi bilan shartnomani uzaytirmoqchi ekani haqida xabar berilgandi.
Saliba 2019 yilda "Arsenal"ga o‘tgan edi. Uning London klubi bilan amaldagi shartnomasi 2024 yilning 30 iyuniga qadar mo‘ljallangan. Transfermarkt portali futbolchining narxini 50 million yevroga baholamoqda.
Joriy mavsumda himoyachi "Arsenal" safida barcha turnirlar doirasida 17 ta o‘yinda maydonga tushib, 2 ta gol urdi va 1 ta golli uzatmani amalga oshirdi.