"ПСЖ" "Арсенал" ҳимоячиси Вильям Салибага қизиқиш билдирмоқда, деб хабар беради Sport.fr.
Манбанинг хабарига кўра, 21 ёшли француз Париж клубига ўтишга қарши эмас. Аввалроқ, "канонирлар" футболчи билан шартномани узайтирмоқчи экани ҳақида хабар берилганди.
Салиба 2019 йилда "Арсенал"га ўтган эди. Унинг Лондон клуби билан амалдаги шартномаси 2024 йилнинг 30 июнига қадар мўлжалланган. Transfermarkt портали футболчининг нархини 50 миллион еврога баҳоламоқда.
Жорий мавсумда ҳимоячи "Арсенал" сафида барча турнирлар доирасида 17 та ўйинда майдонга тушиб, 2 та гол урди ва 1 та голли узатмани амалга оширди.