«Real Madrid» va Belgiya terma jamoasi yarim himoyachisi Eden Azar Madrid klubidagi faoliyati haqida o‘z fikrlari bilan o‘rtoqlashdi.
“Men «Real»dagi vaqtimni omadsizlik deb bilaman. Bunchalik ko‘p jarohat olish normal holat emas, menda nimalarga qodir ekanligimni ko‘rsatish imkoniyati hech qachon bo‘lmagan.
O‘zim uchun Chempionlar ligasida g‘alaba qozona olmadim. Ha, men bir nechta o‘yinlarda, masalan, 1/8 finalda «PSJ»ga qarshi o‘ynadim, lekin ularga hech qanday ta’sir o‘tkazmadim.
«Chelsi»da men doim eng zo‘r bo‘lganman va «Real»da faqat Zidan davrida yaxshi o‘yinlar o‘tkazganman. U men uchun hamma narsa noto‘g‘ri bo‘lganidan afsusda edi", - deydi Azar Mundo Deportivoga bergan intervyusida.
