Portugaliya terma jamoasi hujumchisi Krishtianu Ronaldu Londonning “Chelsi” klubiga o‘tmaydi, deb xabar bermoqda The Telegraph.
Avvalroq, "Chelsi" yozgi transfer oynasida Ronalduni klubga olib kelish imkoniyatini ko‘rib chiqqan bo‘lsa, "aristokratlar"ning o‘sha paytdagi bosh murabbiyi Tomas Tuxel portugaliyalikning klubga o‘tishiga qarshi edi. Nemis mutaxassisi ishdan bo‘shatilgach, londonliklar Portugaliya terma jamoasi hujumchisiga qiziqishlarini saqlab qolgani ma’lum bo‘ldi.
Biroq, manbaga ko‘ra, "Chelsi" boshqa transferlarga e’tibor qaratib, Ronalduni sotib olishni rejalashtirmayapti. Jumladan, londonliklar maydon markazini kuchaytirish maqsadida angliyalik futbolchilar Deklan Rays (“Vest Xem”) va Jud Bellingem (“Borussiya” Dortmund) bilan shartnoma imzolamoqchi. Bundan tashqari, "Chelsi" Ronalduning transferi kiyinish xonasidagi hozirgi muhitni buzishi mumkin deb hisoblamoqda.
