Xorvatiya terma jamoasi va Madridning “Real” klubi yarim himoyachisi Luka Modrich jahon chempionatidagi o‘yinlar boshlanishi oldidan o‘zining holatiga baho berdi.
“To‘g‘risini aytsam, jahon chempionati boshlanishidan oldin o‘zimni juda yaxshi his qilyapman. Joriy mavsum "Real" safida deyarli har daqiqa o‘ynadim. Futbol o‘ynaganimda ham o‘zimni yaxshi his qilaman. Men bu yerga o‘ynash va jahon chempionatidan zavqlanish uchun keldim. Men juda xursandman", - dedi Modrich matbuot anjumanida.
Avvalroq Luka ushbu jahon chempionatidan keyin Xorvatiya terma jamoasidagi faoliyatini yakunlashini tan olgandi.
