Хорватия терма жамоаси ва Мадриднинг “Реал” клуби ярим ҳимоячиси Лука Модрич жаҳон чемпионатидаги ўйинлар бошланиши олдидан ўзининг ҳолатига баҳо берди.
“Тўғрисини айтсам, жаҳон чемпионати бошланишидан олдин ўзимни жуда яхши ҳис қиляпман. Жорий мавсум "Реал" сафида деярли ҳар дақиқа ўйнадим. Футбол ўйнаганимда ҳам ўзимни яхши ҳис қиламан. Мен бу ерга ўйнаш ва жаҳон чемпионатидан завқланиш учун келдим. Мен жуда хурсандман", - деди Модрич матбуот анжуманида.
Аввалроқ Лука ушбу жаҳон чемпионатидан кейин Хорватия терма жамоасидаги фаолиятини якунлашини тан олганди.
