"Manchester Yunayted" futbolchilari portugaliyalik hujumchi Krishtianu Ronalduning klubni tark etish qarorini hurmat qilishlari kerak. Bu fikrni “Manchester Yunayted” va Portugaliya terma jamoasi yarim himoyachisi Brunu Fernandesh bildirdi.
Ronaldu Qatardagi jahon chempionati boshlanishidan oldin Britaniyaning The Sun nashriga intervyu berib, unda ingliz jamoasining amaldagi bosh murabbiyi Erik ten Xagni hurmat qilmasligini aytdi. 22 noyabr kuni “Manchester Yunayted” Ronaldu bilan shartnomani tomonlarning o‘zaro kelishuviga ko‘ra bekor qilganini e’lon qildi.
"U men bilan bu vaziyatni muhokama qilmagan, menimcha, bu voqea faqat Krishtianu va uning oilasiga tegishli", - dedi Fernandesh.
Biz bu mavzuda shaxsan muloqot qilmaganmiz. Biz bor e’tiborimizni jahon chempionatida o‘ynashga qaratganmiz. Jamoamiz o‘yinchilari turnirda g‘alaba qozonishni orzu qiladilar.
"Manchester Yunayted" bilan shartnomani bekor qilish bilan bog‘liq vaziyatga kelsak, shaxsan bu menga hech qanday noqulaylik tug‘dirmaydi, men hech qanday tomonni tutmayman. Krishtianu bilan shunday klubda o‘ynash men uchun orzu edi, ammo hech narsa abadiy davom etmaydi. Hozir u shunday qarorga keldi, biz uni hurmat qilishimiz kerak. Ishonchim komilki, Krishtianu bilan bo‘lgan vaziyat bizning jahon chempionatidagi o‘yinimizga ta’sir qilmaydi", - deya qo‘shimcha qildi Fernandesh.
