Kuni kecha C guruhidan o‘rin olgan bahslar o‘tkazildi. Undan Saudiya Arabistoni va Argentina qarama-qarshiligi ham o‘rin olgandi. Butun dunyoni shokka solgan holda, osiyoliklar turnir favoritlaridan birini mag‘lub etishdi (1-2). Quyida mundiallar tarixidagi sharmandali mag‘lubiyatlar haqida so‘z boradi.
5. Kamerun 1-0 Argentina
O‘yin: San Siro stadioni, Milan Italiya-1990.
Diyego Maradona boshchiligidagi jamoa 90-yilgi turnirga amaldagi chempion sifatida tashrif buyuradi. Ammo guruhning ilk bahsi argentinaliklar uchun omadli kelmadi. Ular outsayder deya ta’riflangan Kamerunga minimal hisobda mag‘ub bo‘ladi. O‘shanda afrikaliklar bir kishi kam holda chempionlarni mag‘lub etgandi.
4. Jazoir 2-1 G‘arbiy Germaniya
O‘yin: Xixon shahri, Ispaniya-1982.
Hech kim kutmagan bir paytda, nemislar afrikalik arablarga mag‘lub bo‘ladi. Garchand Germaniya termasi birinchi o‘yinni boy bergan bo‘lsada, guruh bahslarini yetakchi sifatida yakunlaydi. Ular finalga qadar chiqa olishadi va Italiyaga 3-1 hisobida imkoniyatini boy beradi.
3. Shimoliy Koreya 1-0 Italiya
O‘yin: "Ayrsam Park", Midlsbro, Angliya-1966.
Turnirga adashib kelib qolgan koreyaliklar, guruhda kuchli raqibni mag‘lubiyatga uchratadi. "Azzuri" esa guruhda qolib ketadi. Ularning o‘rniga Shimoliy Koreya pley-offga yo‘l oladi.
2. Saudiya Arabistoni 2-1 Argentina
O‘yin: "Lusayl Afsonaviy Stadioni", Doha, Qatar.
Bu o‘yin Lionel Messining so‘nggi Jahon chempionatini bezab berishi kutilgan edi. Ammo amalda teskari effektga guvoh bo‘ldik. Avvaliga hammasi rejadagidek ketayotgandi. Messi gol urdi. Ortidan bir nechta gollar urildi. Ammo VAR ularni bekor qildi. Ikkinchi bo‘limda 5 daqiqada arablar ikki gol urdi va g‘alabani tantana qildi.
1. Angliya 0-1 AQSH
O‘yin: Belu-Orizonte shahri, Braziliya-1950.
Angliya Braziliyaga ko‘p narsalarni isbotlash uchun yo‘l olgandi. Ammo rejalar buzilib ketdi. Ular AQSHga kutilmaganda mag‘lub bo‘ladi. Guruhda Ispaniya birinchi o‘rinni egallaydi. Inglizlar esa keyingi bosqichsiz qoladi. Ular butun turnirni birgina, Chiliga qarshi o‘yindagi g‘alaba bilan yakunlaydi. Shunday qilib, inglizlar uyiga qaytadi.
ISMATOV J.
