Xorvatiya terma jamoasi ustozi Zlatko Dalich JCH-2022 Marokashga (0:0) qarshi o‘yindagi durang haqida fikr bildirdi.
- Qiyin uchrashuv. Ammo biz buni kutgandik. Raqib mudofaada zich joylashdi va qarshi hujumlarda juda xavfli o‘ynadi. Chuqurlik va vertikal paslar yetishmadi, yaratilgan imkoniyatlardan unumli foydalana olmadik. Qat’iylik yo‘q. Guruhdan chiqish uchun kamida 4-5 ochko to‘plash kerakligini bilamiz.
- Ayrimlar asosiy tarkibda ko‘rishni ham kutmagan Deyan Lovren va Nikola Vlashich kabi futbolchilarning o‘yinidan qanchalik qoniqdingiz?
- Biz tajribani tanladik. Bizga tajribali himoyachilar kerak edi. Vlashich, afsuski, jarohat oldi. Achinarlisi, u o‘z imkoniyatidan foydalana olmadi.
Vaziyat to‘rt yil avvalgidek emas. Endi biz hamma uchun maqsad bo‘lamiz. Oldinga o‘tsak, afsuslanadigan hech narsamiz yo‘q", - dedi Xorvatiya terma jamoasi bosh murabbiyi.
Xorvatiya terma jamoasi JCH-2022 guruh bosqichining navbatdagi o‘yinini yakshanba kuni Kanada terma jamoasiga qarshi o‘tkazadi.
